Mənə elə gəlir ki, hər bir insan özünün taleyinə görə yaradılıb. İnsanların həyat yolunu müşahidə etdikdə onların mənəvi aləmi, fitrəti ilə taleyi arasında qəribə bir ahəngin şahidi oluruq. Görünür, həyatda təsadüfi heç nə yoxdur. Hər şey müəyyən qanunauyğunluqla nizamlanır. İnsanlar həmişə yaxşı işlər görməli, yaxşı insanlar olmalıdırlar. Xeyirxah insanları hamı  sevir və hörmət edir.Onlar həm də Allahın məhəbbətini qazanırlar.Müqəddəs kitabımız olan Qurani-kərim yaxşı insan olmağın vacibliyindən bəhs edir.Haqqında söhbət açdığımız, hansı ki, xarakterik xüsusiyyətinin gözəlliyi, sözün əsl mənasında ziyalı, xeyirxah insan və həyata keçirdiyi idarəçiliyinin müdrikliyi ilə tam əksəriyyətdən fərqlənən,Azərbaycan Respublikası Milli Məclisinin III, IV, V, VI çağırışlarin deputatı, Azərbaycan Mərkəzi Kooperativlər İttifaqı "Azərittifaq"ın sədri,Azərbaycan Kooperasiya Universitetinin rektoru, iqtisad elmləri doktoru, professor Azərbaycan Ağsaqqallar Şurasının sədri Eldar Quliyev - bu gün özünə hörmət  qazanan şəxslərdən biri olmaqla, yuxarıda sadaladığımız fikrin obyektivliyinə inanmalı oluruq. Çünki,adı çəkilən bu şəxsin indiyə kimi atdığı addımlar, tutduğu ləyaqətli mövqeyi ali rəhbərlik və  onu tanıyanlar tərəfindən müsbət qarşılanıb, lazımınca qiymətləndirilib və rəğbət hissi ilə də qeyd edilib.
 Əslində onun portret yazısına ZAMANIN istənilən rakursundan başlamaq olar–DÜNƏNdən də, BU GÜNdən, SABAHdan da...
DÜNƏNdən başlamaq olar, çünki o, dünən də çalışdığı sahədə qərəzsiz, təmənnasız, lakin tələbkar münasibətlərə söykənən bir stillə işləyib,tapşırılan vəzifənin öhdəsindən layiqincə gəlib.
BU GÜNdən başlamaq olar, çünki o, bu gün öz təcrübəsi, bilik və bacarığı, peşəkarlığı ilə Azərbaycan dövlətçiliyinə layiqli xidmətin nümunəsini yaradır.Eldar müəllim Millət vəkili kimi seçicilərin göstərdiyi etimadı ləyaqətli şəkildə doğruldur,rektor kimi bütün vacib xüsusiyyətləri- elmi tədqiqat bacarıqları və onların uğurlu tətbiqi, rektor olaraq təhsili bilən adam olması,liderlik xüsusiyyətinin varlığını özündə cəmləşdirir.Azərbaycan Ağsaqqallar Şurasının sədri kimi kimi nizamnamədə nəzərdə tutulmuş vəzifəsinin öhdəsindən lazımınca gəlir.
SABAHdan başlamaq olar, çünki o, dünən qazandığı, bu gün davam etdirdiyi uğurları ilə gələcəkdə də yeni nailiyyətlərə imza atacağının müjdəsini verir. Hazırda çalışdığı Millət vəkili, Azərbaycan Kooperasiya Universitetinin rektoru kimi təmiz adını və reputasiyasını qoruyub, sabah da, biri gün də, bir sözlə, hər zaman bu adı qoruyacağına dair insanda sarsılmaz inam aşılayır.
Eldar Quliyevin ən mühüm özəlliklərindən biri hansı vəzifədə çalışmasından asılı olmayaraq öz işinin öhdəsindən peşəkarcasına və vicdanla gəlməsidir. Onun üçün vəzifənin kiçiyi-böyüyü yoxdur. Onun üçün başlıcası, önəmlisi ona tapşırılan, üzərinə düşən işi məsuliyyətlə və müvəffəqiyyətlə yerinə yetirməkdir. Yorulmadan qurmaq, yaratmaqdır. İşgüzarlıq, çalışqanlıqdır. Hansı vəzifəni daşıdısa harda işləyirsə işləsin müsbət izlər buraxmaq,tapşırılan işi irəli aparmaqdır.Bu bacarıq yalnız Xalqına məhəbbəti, Dövlətinə sədaqəti özünün həyat prinsipi seçənlərə xasdır.Eynilə Eldar Quliyev kimi!
  Öz işinin mükəmməl bilicisi olan professor Eldar Quliyev  daha mənalı ömür yaşayır, mümkün olduğundan da artıq iş görməyə çalışır.Türk Dünyası Araşdırmaları Beynəlxalq Elmlər Akademiyasının, Almaniyanın Hannover şəhərində yerləşən Avropa Təbiət Elmləri Akademiyasının, İtaliya Beynəlxalq İqtisadi və Sosial Elmlər Akademiyasının həqiqi üzvü, Gürcüstan Respublikasının Suxuşvili Texniki Universitetinin Fəxri doktorudur. Roma şəhərinin "Fəxri alimi"dir.Türkiyədə, ABŞ-də və Avropa ölkələrində çoxsaylı elmi əsərləri və kitabları nəşr olunmuşdur. 2017-ci ilin mart ayında Almaniyanın nüfuzlu mətbəələrindən birində "Qlobal ərzaq təhlükəsizliyi: reallıqlar, çağırışlar və perspektivlər" adlı kitabı çap olunmuşdur. Avropa Təbiət Elmləri Akademiyasının Rəyasət Heyəti 2019-cu il 19 fevral tarixli qərarı ilə professor Eldar Quliyevi dünya iqtisadiyyatının ən aktual problemi olan ərzaq təhlükəsizliyinə həsr etdiyi "Qlobal ərzaq təhlükəsizliyi: reallıqlar, çağırışlar və perspektivlər" adlı monoqrafiyasına görə "İlin alimi" adlı beynəlxalq mükafata layiq görmüş və "Eyler" medalı ilə təltif etmişdir.Böyük bir kollektivin rəhbəri olaraq yerlərdən gələn təşəbbüslərə, qaldırılan məsələlərə operativ münasibət göstərmiş, onların həllinə köməklik etməklə bərabər, həm də demokratik iş metodlarının bərqərar olmasına şərait yaratmışdır. Hər kəs istənilən an və çəkinmədən öz ürək sözünü universitet rektorunu çatdırıb deyə bilir.O hər zaman xeyirxah əməllər, yüksək mədəniyyət və qabiliyyət sahibi kimi tanınmışdır.Eldar müəllimin mövqeyindən, işindən və əməlindən hələ heç bir kəs zərər çəkməyib, çətinliyə düşməyib. Çünki o, əsilli-köklü insandır, saf və təmənnasız ziyalıdır. Qürurun, əyilməzliyi və dönməzliyiylə, nəhayət, əsl bəyzadəliyiylə onu tanıyan insanın qəlbində özünə əbədi heykəl ucalda bilmişdir. İctimaiyyətlə sıx əlaqəsi, xoş rəftarı işlədiyi insanlar arasında ona böyük nüfuz qazandırmışdır.Professor Eldar Quliyevi fərqləndirən cəhətlərdən biri də budur ki, öz təmiz adını, nüfuzunu qorumağı bacarır, xarakter etibarilə sadə təbiətlidir, mehribançılığı sevən bir insandır.O müdrikcəsinə bilir ki, həyatda yalnız tutduğun yol əbədidir, amal əbədidir,əməl əbədidir.
Yolu, amalı, əməli düz olanların mükafatını isə Tanrı da, Tarix də, Tale də artıqlaması ilə verir.
 
       Əfqan Bəhluloğlu
Mediatv.az xəbər portalının rəhbəri