“Renessans titan" mifi: Kamal Abdulla və Ramiz Mehdiyev epizodu-VIDEO

Ana səhifə Bizimlə əlaqə

Deputatın oğlu bu dəfə 31 milyonluq tender qazandı

Mənzər xanımın BƏNZƏRİ YOXDURMU? - "Nazirlər dəyişir, amma Mənzər xanım..."

Ucarın icra başçısı Mənsur Məmmədovun “Avtoyoltikintiservis” MMC ilə iş birliyi

Abdin Fərzəliyev Xırdalanda qanunsuz tikintiyə necə icazə verib? -DE-FAKTO

Mədəniyyət Nazirliyində nə baş verir?

Siyəzəni abadlaşdıracaq "Safari": Keçmiş nazirin oğlunu şirkətlə nə bağlayır?

Bakıda SSRİ bayrağı qaldıran İbrahim Əsədli kimdir? - VİDEO

“Binəqədi Park” MMC-dən vətəndaşlar şikayət edir:Vergidən belə yayınıb-VİDEO

Karusel (Bu gün, 21:56)
“Renessans titan" mifi: Kamal Abdulla və Ramiz Mehdiyev epizodu-VIDEO

Azərbaycan Dillər Universitetinin rektoru Kamal Abdullanın Ramiz Mehdiyev haqqında irəli sürdüyü həddindən artıq mübaliğəli və obyektiv tarixi faktlarla səsləşməyən tərifləri cəmiyyətdə ürəkbulandırıcı çıxış kimi yadda qalacaq.
İsa Həbibbəylidən sonra rektorun fikirləri Azərbaycan akademik mühitində son illər müşahidə olunan ən ciddi reputasiya aşınmalarından bir nümunədir. Çıxışda istifadə olunan metaforik konstruksiyalar — xüsusilə “Renessans titanları” kimi təsvirlər elmi dəqiqlik və tarixi məsuliyyət prinsiplərindən kənara çıxmaqla bərabər, akademik dildə məqbul olmayan kultlaşdırma semantikasını aktivləşdirir.
Ramiz Mehdiyevin uzun illər dövlət idarəçiliyində tutduğu mövqe, siyasi institutlara təsir imkanları və ideoloji aparatın formalaşmasındakı rolu akademik araşdırmalar üçün şübhəsiz materialdır. Lakin bu fəaliyyətin nəticələri, o cümlədən idarəçilik modellərinin avtoritar xüsusiyyətləri, siyasi rəqabətin məhdudlaşdırılması, elmi institutların siyasət alətinə çevrilməsi və onun vətənə xəyanət maddəsi ilə bağlı cinayət proseslərində adı hallanması obyektiv təhlilin ayrılmaz hissəsidir. Bu kontekstdə Kamal Abdullanın çıxışı yalnız akademik neytrallığın pozulması deyil, həm də ictimai yaddaşın manipulyasiyası üçün uğursuz cəhd təsiri bağışlayır.
Akademik müstəvidə belə şişirdilmiş və faktoloji əsasdan məhrum ifadələr, əslində, bir-birinə zidd iki prosesin paralel işlədiyini göstərir.
Bunlardan birincisi Akademiyanın siyasət qarşısında institusional zəifləməsidir. Elə buna görədir ki, rektor səviyyəsində olan şəxs tərəfindən tarixi şəxsiyyət anlayışı bu şəkildə yumşaldılır. Və beləliklə onun çıxışı elmi etikadan daha çox siyasi yaltaqlığın əsaslandığı performativ jest kimi görünür.
İkinci məsələ siyasi kultlaşdırma ənənələrinin yenidən zühur etməsidir.
Renessans titanları ilə müqayisə mahiyyətcə sovet dövrünün lider kultu ritorikasını xatırladır və müasir siyasi diskursa inteqrasiya olunan köhnəlmiş ideoloji texnikaların davam etdiyini göstərir.
Kamal Abdullanın çıxışının sosial mediada istehza ilə qarşılanması da təsadüfi deyil. Cəmiyyətin belə ritorikaya reaksiyası göstərir ki, artıq məddahlıq formaları əvvəlki legitimliyini itirib və yalnız ironiyanın obyektinə çevrilir.
Videonu təqdim edirik: