Qış aylarında edilən bəzi xətalar soyuqdəymə və qrip kimi xəstəlikləri tətikləyə bilər.Foodinfo.az xəbər verir ki, ən çox rast gəlinən xətalardan biri qalın geyimdən imtina edərək soyuqda uzun müddət qalmaqdır. Soyuq hava orqanizmin müqavimətini zəiflədir və virusların yayılmasını asanlaşdırır. Yetərli miqdarda su içməmək də immuniteti zəiflədir, çünki qışda susuzluq hissi azalsa da, bədən hələ də nəmlənməyə ehtiyac duyur. Vitamin və mineral çatışmazlığı, xüsusilə C və D vitamini qəbulunun az olması orqanizmi infeksiyalara qarşı həssas edir. Qapalı və havalandırılmayan mühitlərdə çox vaxt keçirmək də virusların sürətlə yayılmasına səbəb olur. Az yuxu və stress də immun sistemini zəiflədir. Həmçinin düzgün qidalanmamaq və yağlı, işlənmiş qidalara üstünlük vermək sağlamlıq üçün risk yaradır. Bu xətalardan çəkinərək sağlam qalmaq mümkündür.