1 saylı Məntəqə tipli cəzaçəkmə müəssisəsində BAZAR AÇIBLAR

Ana səhifə Bizimlə əlaqə

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Cəmiyyət / Slayd (23-08-2021, 10:12)
1 saylı Məntəqə tipli cəzaçəkmə müəssisəsində BAZAR AÇIBLAR

“Yuxarıların” bu kimi neqativ hallara göz yumması isə belə düşünməyə əsas verir ki, Penitensiar Xidmətin yüksək eşelonunda onlara şərik olan havadarları var.

Bir neçə gün əvvəl Realmedia.az saytında Xaçmazdakı 1 saylı Məntəqə Tipli Cəzaçəkmə Müəssisəsinin fəaliyyətində müşahidə olunan neqativ hallardan, korrupsiya və rüşvətxorluqdan, müəssisənin rəhbərliyi tərəfindən yol verilən ayrı-ayrı ciddi qanun pozuntularından, müəssisə rəisinin Penitensiar Xidmətin rəisi Ceyhun Həsənovun adından məhbuslardan “haqq” yığmasından bəhs edən səhih məlumatlara əsaslanan tənqidi məqalə təqdim etmişdik. Bütövlükdə sistemə qarşı qərəzimiz olmadığını ortaya qoymaq üçün ümumilikdə Ədliyyə Nazirliyinin bütün strukturlarında, o cümlədən, Penitensiar Xidmətdə həyata keçirilən mütərəqqi islahatları bəri başdan, yəni məqalənin preambulasında qeyd etmişdik.

Həmin məlumatlarda iddia olunurdu ki, Xaçmaz 1 saylı Məntəqə tipli cəzaçəkmə müəssisəsində dövlətin məhkumlara ayırdığı ərzaq məhsulları müəssisə rəisi tərəfindən mənimsənilir, ayrı ayrı yerlərdə satılır. Maddi imkanlı şəxslərin pul müqabilində aylığa (evlərinə) buraxılmaları adi hala çevirilib. Həmçinin, məntəqədən aylığa çıxmaq istəyən məhkumların əvvəlcədən və sonra da aybaay ödəməli olduqları rüşvətin qədəri də sadalanmışdı. Nəhayətdə, ümidimiz ifadə olunmuşdu ki, hörmətli Ceyhun müəllim ən qısa zamanda 1 saylı Məntəqə tipli cəzaçəkmə müəssisəsində yoxlamaların başlanılmasına göstəriş verəcək, aylığa buraxılan ev dustaqlarının hansı şərtlər altında buraxıldıqları və verdikləri aylıq haqlarının kimlərin cibinə girdikləri aşkarlanacaq, müəssisə rəisi barəsində yetərli tədbirlər görüləcəkdir.

Öyrənmişik ki, 1 saylı MTCÇM-nin rəis müavini, eyni zamanda “qara kassir” funksiyasını yerinə yetirən Fəxrəddin Məmmədov həm də rəisi Azər Seyidovla yaxın qohumdurlar (onların bacanaq olduqları deyilir) ki, bu da “Korrupsiya haqqında” AR Qanununun 7-ci maddəsinə ziddir. Qohumların eyni sistemdə, biri digərinin tabeliyində işləməsi əlbəttə ki, çox vaxt onların korruptiv ortaqlığına gətirib çıxarır. “Yuxarıların” bu kimi neqativ hallara göz yumması isə belə düşünməyə əsas verir ki, Penitensiar Xidmətin yüksək eşelonunda onlara şərik olan havadarları var. Məlumatlarda həmçinin qeyd olunur ki, müəssisə rəhbəri Azər Seyidov ehtiyatlı adamdır, rüşvəti heç vaxt əlbəəl almır, necə deyərlər, “ilanı Seyidəhməd əli ilə tutur”. Görünən odur ki, Seyidəhməd rolunu bacanağı sayılan Fəxrəddin Məmmədova həvalə edib. Tez-tez “seyidəhmədlərin” güdaza getməsini xatırlayanda adamın yadına yeddi bacanaq” haqqında rəvayət düşür. Başqa sözlə, belə çıxır ki, Azər Seyidov nə qədər mehriban qohum kimi özünü göstərsə də, gec-tez öz bacanağını da “xərcləməyi” gözə alıb.

Müşahidə olunub ki, Fəxrəddin hər ay rəis müavini olduğu CÇM-dən “aylığa” buraxılmış, lakin paytaxt və Abşeron rayonlarında qeydiyyatda olan məhkumlarla Ceyranbatan qəsəbəsindəki körpünün altında görüşərək aylıq “haqqları” alır. “Aylıq haqq” deyəndə söhbət əlbəttə ki, bəri başdan alınmış və məhz PX rəisi Ceyhun Həsənova çatdığı deyilən 3000 manatdan deyil. Mütəmadi tələb olunan 100-180 manatdan gedir. Onsuz da Azər-Faxrəddin cütlüyünün PX rəisinə atdıqları bu böhtana heç kəs inanmır və bilirlər ki, çox hörmətli C.Həsənov bədbəxt məhkumun (məhkum yaxınlarının) puluna göz dikməyib. Amma inandılar – ya inanmadılar, neyləsinlər? “İçəridəki” arzuolunmaz şəraitdən zinhara gələn məhkumlara pulun tapıldığı təqdirdə kimə çatması, kimin adından yığılması maraqlı deyil, onlara nisbi azadlıq gətirə bilməsi maraqlıdır.

Mövzuya qayıdacağıq.

Qarşı tərəfin mövqeyini dinləməyə və dərc etməyə hazırıq.

RealMedia.az