“Azərbaycanda istehsal olunan məhsulların xarici bazarlara çıxışı zəifdir. O səbəbdən ki, əksər mallar müvafiq tələbələrə cavab vermir və onu xarici bazarlarda almırlar”.

Bu sözləri Editor.az-a açıqlamasında Azad İstehlakçılar Birliyinin (AİB) sədri Eyyub Hüseynov söyləyib.

Onun sözlərinə görə, əksər şirkətlərin istehsal etdiyi məhsullar saxtadır: “Bu məhsullar müvafiq standartlara cavab vermir. Əvvəla, ölkəmizdə ərzaq təhlükəsizliyi haqqında qanun olsa da, işlək vəziyyətdə deyil. Digər yandan müvafiq dövlət qurumları özəl sektorda ciddi yoxlamalar həyata keçirmir. 

Təəssüf ki, həyata keçirilən yoxlamalardan sonra istehsal prosesi nəinki şəffaflaşmır, bu sahədə vəziyyət daha da pisləşir. Bunun da öz növbəsində kifayət qədər ciddi səbəbləri var. İstehlakçı hüquqları arxa planda qaldığına, bu səbəbdən sahibkarlar istədiyi məhsulu istehsal etdiyinə görə, xaricdə bizim malları almırlar. Bunun da günahını xaricilərdə yox, özümüzdə axtarmalıyıq”.