"Azərbaycan Reallığı" xəbər verir ki, Eminin sözlərinə görə, Rzayev Elçin əvvəlcə onun “Hummer H2” və “S-Class” markalı avtomobillərini alıb-satmaq adı ilə götürüb, lakin ödənişi geri qaytarmayıb. Daha sonra o, Eminə “QR Rent-a-Car” layihəsi adı altında biznes qurmaq vədi verərək ondan pul alıb, lakin nə layihəni reallaşdırıb, nə də vəsaiti geri qaytarıb.

Zərərçəkmişin iddiasına əsasən, Rzayev Elçin Vasiliyə adlı vətəndaşdan da “Ford Mustang” markalı avtomobil və 10 000 ABŞ dolları alıb, lakin ödəniş etməyib. O, həmçinin Ramin adlı şəxsin tikdirdiyi obyektin də əlindən alındığını bildirib. Vasiliyəyə qarşı hədə-qorxu və böhtan hallarının da baş verdiyi qeyd olunur.

Emin və digər zərərçəkmişlər məsələ ilə bağlı hüquq-mühafizə orqanlarına müraciət etməyi planlaşdırır. Onlar vətəndaşları Rzayev Elçinlə maliyyə əməliyyatlarında ehtiyatlı olmağa çağırıblar.