Səbuhi Əhmədov adını dəyişmiş “KRAL TƏMİR TİKİNTİ” ilə işbirliyini davam etdirir

Ana səhifə Bizimlə əlaqə

İcra başçılarına qadağa qoyuldu

“Şapka Mamed”in kölgəsində: Monella MMC, milyonluq kreditlər və gizli sazişlərin izi - VİDEO

Gömrük Komitəsinin vəzifəli şəxsi sahibkara qarşı qanunsuzluq edir?ŞİKAYƏT

Antiinhisar Agentliyi Ombudsmanı niyə saymır?

Əli Həsənovla ortaq biznesləri olan Nurlan Həsənov əslində kimdir?-VİDEO

Ramiz Mehdiyevin yaxın adamı Mikayıl İsmayılovun Almaniyada 36 mənzili üzə çıxdı

DGK 4 ədəd generatora 507 min xərcləyəcək: “Araznet”in Talıbovla nə əlaqəsi?

Adnan Əhmədzadənin Rumıniyada dəhşətli əməlləri...

Mədəniyyət Nazirliyinin bir nəfərə bağlı iki şirkətlə işbirliyi davam edir

Sosial (Dünən, 17:14)
Səbuhi Əhmədov adını dəyişmiş “KRAL TƏMİR TİKİNTİ” ilə işbirliyini davam etdirir

Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamenti Bakı və Sumqayıt şəhərləri, Abşeron, Şabran və Kürdəmir rayonlarında salınmış məcburi köçkün qəsəbələrində yerləşən mənzillərin və fərdi yaşayış evlərinin təmiri üzrə 05.09.2025-ci ildə başladığı açıq tenderə yekun vurub. Müsabiqənin qalibi “İS TƏMİR TİKİNTİ” Məhdud Məsuliyyətli Cəmiyyəti seçilib və tərəflər arasında 485.358,53 manat dəyərində satınalma müqaviləsi bağlanılıb. Məlumat satınalmaların portalında 31.10.2025-ci ildə dərc edilib.
Qeyd edək ki, bu Dövlət Komitəsinin Mənzil İstismar Departamenti ilə “İS TƏMİR TİKİNTİ” MMC arasında bağlanan ilk müqavilə deyil. Tərəflər arasında 23.09.2020-ci ildən 31.10.2025-ci ilə qədər 5 satınalma müqaviləsi bağlanılıb. Əvvəlki müqavilələr “KRAL TƏMİR TİKİNTİ” MMC ilə bağlanılıb.
Saatlı rayonunda məcburi köçkünlər üçün salınmış qəsəbələrdə fərdi yaşayış evlərinin təmiri işləri üzrə 293 182.1 manat dəyərində müqavilə 23.09.2020-ci il tarixdə “KRAL TƏMİR TİKİNTİ” MMC ilə bağlanıb.
Bakı şəhəri və Şabran rayonunda məcburi köçkünlər üçün salınmış qəsəbələrdə fərdi yaşayış evlərinin,mənzillərin və pilləkan qəfəslərinin təmiri üzrə 269.897,2 manat dəyərində müqavilə 14.09.2022-ci il tarixdə “KRAL TƏMİR TİKİNTİ” MMC ilə bağlanıb.
Bakı şəhəri, Abşeron, Sabirabad, Füzuli, Şabran və Ağcəbədi rayonları ərazisində salınmış məcburi köçkün qəsəbələrində fərdi yaşayış evlərinin, mənzillərin və drenaj şəbəkəsinin təmiri işləri üzrə 685.777,57 manat dəyərində müqavilə 03.05.2024-cü il tarixdə “KRAL TƏMİR TİKİNTİ” MMC ilə bağlanıb.
Bakı şəhəri, Biləsuvar, Şabran, Füzuli və Göygöl rayonları ərazisində salınmış məcburi köçkün qəsəbələrində fərdi yaşayış evlərinin,mənzillərin,qəsəbədaxili çınqıl yolun və asfalt yolun təmiri işləri üzrə 760.480,73 manat dəyərində müqavilə 18.09.2024-cü il tarixdə “KRAL TƏMİR TİKİNTİ” MMC ilə bağlanıb.
Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında “İS TƏMİR TİKİNTİ”(VÖEN: 1501588001) Məhdud Məsuliyyətli Cəmiyyətinin Bakı şəhəri Lokal Gəlirlər Baş İdarəsində 22.02.2010-cu il tarixdə dövlət qeydiyyatına alındığı göstərilib. Reyestr məlumatlarında nizamnamə kapitalı 10 manat olan MMC-nin hüquqi ünvanı BAKI ŞƏHƏRİ NƏRİMANOV RAYONU, AK.HƏSƏN ƏLİYEV, ev 90, m. 9,qanuni təmsilçisinin isə Qasımov Sərvər Səməd oğlu olduğu qeyd edilib.
Reyestr məlumatlarına edilmiş dəyişiklidə MMC-nin ilk adı “KRAL TƏMİR TİKİNTİ” olub. 13.01.2025-ci ildən adını dəyişərək “İS TƏMİR TİKİNTİ” MMC-yə çevrilib. Göründüyü kimi, ad dəyişsə də “KRAL TƏMİR TİKİNTİ” hələ də yerindədir və “Qaçqınkom”la işbirliyini davam etdirir.
Məlum olduğu kimi, Azərbaycanın işğaldan azad olunmuş ərazilərinin yenidən qurulmasına və bərpasına dövlət büdcəsindən kifayət qədər vəsait ayrılır. Baş nazir Əli Əsədov Milli Məclisin 14 mart 2025-ci ildə keçirilən plenar iclasında, hökumətin ötənilki fəaliyyəti ilə bağlı hesabatı təqdim edərkən bildirib ki, 2021-2024-cü illərdə Azərbaycanın işğaldan azad olunmuş ərazilərin yenidən qurulması və bərpası üçün dövlət büdcəsindən 17,6 milyard manat, o cümlədən 2024-cü ildə 5,35 milyard manat vəsait ayrılıb. “2025-ci ildə bu istiqamətdə 4 milyard manat vəsait ayrılması nəzərdə tutulub”, – deyə o qeyd edib.
Bunlarla yanaşı Qaçqınların və Məcburi Köçkünlərin İşləri üzrə Dövlət Komitəsi tərəfindən uzun illər yurd həsrəti çəkən ailələrin doğma torpaqlara qayıdışı davam etdirilir. Belə olan halda sözügedən Komitə köçkün ailələrinin məskunlaşdığı köçkün qəsəbələrində yerləşən mənzillərin və fərdi yaşayış evlərinin təmirinə nə üçün vəsait ayırır? Ümumiyyətlə, məcburi köçkünlərin işğaldan azad edilmiş ərazilərə qaytarılmasının gündəmdə olduğu vaxtda bu təyinat üzrə külli miqdarda dövlət vəsaitinin büdcədən silinməsini nə dərəcədə səmərəli xərc hesab etmək olar: Yaxşı olmazdımı ki, həmiun vəsait Qarabağda və Şərqi Zəngəzurda evlərin inşasına və infrastrukturun qurulmasına yönəldilsin?
Məlum olduğu kimi hər il Qaçqınların və Məcburi Köçkünlərin İşləri üzrə Dövlət Komitəsi tərəfindən köçkün ailələrinin mənzil-məişət şəraitinin yaxşılaşdırılması məqsədilə ilə kifayət qədər vəsait ayrılır. Fərdi yaşayış evlərinin təmiri üçün ayrılan vəsitlər hansı şəkildə həyata keçirilir? Aydın məsələdir ki, tender yolu ilə.
Bəs bu tenderləri kimləri udur? Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayevə və Departament sədri Səbuhi Əhmədova yaxın şirkətlər. Hamısı da eyni qayda olaraq dövlət vəsaitləriinin konkret olaraq hansı ünvanda və neçə fərdi yaşayış evinin təmirinə ayrıldığı göstərilmədən.
Qeyd edək ki, Dövlət Komitəsində Mənzil İstismar Departamentinin sədri Səbuhi Əhmədovdur. O, bu vəzifəyə 2019-cu ilin martında Dövlət Komitəsinin sədri Rövşən Rzayev tərəfindən təyin edilib. 2003-2006-cı illərdə “Azneft” İstehsalat Birliyinin baş direktoru, daha sonra “Balaxanıneft” NQÇ-nin rəisi vəzifəsində çalışıb. Mediada məcburi köçkün ailələri tərəfindən Səbuhi Əhmədovun xüsusi təyinatlı yaşayış sahəsinin kirayə müqaviləsi bağlayaraq vətəndaşların pulunu ələ keçirməsi və digər qanunsuz əməlləri ilə bağlı geniş məlumatlar var.
Aktualinfo.net