İqtisadi Tədqiqatlar Mərkəzinin İdarə Heyətinin sədri Qubad İbadoğlu PİA.AZ-a ölkənin iqtisadi durumunu şərh edib.

Mediatv.AZ iqtisadi ekspertlə qısa müsahibəni oxucularının diqqətinə təqdim edir:

- Dünya bazarında neftin qiymətləri ilə bağlı verilən proqnozlar onu göstərir ki, belə böyük strateji layihələr uzun müddət hələ maliyyələşdirilməyəcək. Neftin qiyməti bahalaşana qədər bu layihələrin maliyyələşdirilməsi müzakirə obyekti olaraq qalacaq. Neftin qiyməti indiki səviyyədə qalarsa, onun maliyyəşdirilməsi ilə bağlı müəyyən şübhələrim var. Düşünürəm ki, Rusiyadakı iqtisadi vəziyyət və gözlənilən iqtisadi-siyasi böhran onun belə böyük layihələrdə iştirakına şanslarını azaldır. Bu yalnız siyasi məqsədlərə xidmət edir və bugünkü Rusiya-Türkiyə münasibətlərindəki durum da bu müzakirələrə yol açır. Hesab edirəm ki, Azərbaycan bu durumu dəyərləndirib, adekvat şəkildə münasibət bildirəcək.

- Bu xəbərdarlıqdan da göründüyü kimi, 2015-ci il həqiqətən ağıir il olacaq. İqtisadi böhran üçün keçid ili ola bilər. Bu baxımdan böhranın tez başlamasının qarşısını almaq üçün Azərbaycanın məhz daxili mənbələri hesabına investisiya imkanlarını artırması əsas siyasətlərdən biri ola bilər. Hesab edirəm ki, dünya bazarında baş verən hadisələr, qonşu Rusiyadakı iqtisadi böhranlar bu il Azərbayacanın sosial-iqtisadi vəziyyətinin ciddi dəyişəcəyinə əsas verir. Xarici dövlətlərin öz sərmayələrini Azərbaycan iqtisadiyyatına qoymaqla bağlı müraciətə gəlincə,  bunu doğru müraciət hesab edirəm. Bu əvvəldən olmalı idi. Biz çalışmalıyıq ki, Azərbaycan iqtisadiyyatını xarici investorlar üçün açaq. Ölkə iqtisadiyyatının modernləşməsi üçün xarici investorların Azərbaycana kapital qoyması çox vacibdir. Eyni zamanda Azərbayacana qabaqcıl və modern texnologiylar da xarici investorlar vasitəsilə gətirilə bilər, ancaq indiki halda düşünmürəm ki, bu effekt versin. Çünki qonşu ölkələrdə Rusiyada, Türkiyədə baş verən iqtisadi prosesler milli valyutanın dəyərinin düşməsinə gətirib çıxarıb.  Azərbaycan hələki sabitliyi qoruyub saxlasa da, bu sabitliyi  uzunmüddətli qoruyub saxlamaq mümkün olmayacaq. Bunu xarici investorlarda başa düşür. Ona görə də, inanmıram ki belə bir çağırışın ciddi effekti olsun.

- Hesab edirəm ki, Azərbaycan iqtisadiyyatındakı monopolyalar iqtisadi stabilliyə mənfi təsir göstərir. Çünki monopoliyalar Azərbaycan iqtisadiyatının mövcud potensialından səmərli istifadə etmək imkanlarını məhdudlaşdırır. Eyni zamanda iqtisadiyyatın bir neçə şirkətlərin və ya oliqarxların əlində olmasına gətirib çıxarır. Sağlam rəqabət olmayana qədər monopoliyalarin fəaliyyəti iqtisadiyyata mənfi təsir göstərir.