Bu ilin 9 ayı ərzində Azərbaycanda 477 İİV-ə yoluxub. Onların hallarının 24,9%-i (119 hal) nəfər inyeksion narkotik istifadəsi nəticəsində virusa yoluxub.

 Mediatv.az  xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının hesabatında qeyd olunub.

Hesabatda bildirilib ki, 1992-ci ildən-01.09.2015-ci il tarixədək 5397  yoluxma hallarının 51,9 %  (2801 hal) inyeksion narkotik istifadəsi nəticəsində baş verib. Həmçinin bu ilin sentyabrın 1-nə olan məlumatına əsasən, ümumilikdə 2784 nəfər İİV/QİÇS-lə xəstə ARV-terapiyaya cəlb edilib,  onlardan 408 nəfəri 2015-ci il ərzində olub. Yeni cəlb olunanlardan 131 nəfəri İNİ-dirlər. ARV-terapiyaya ümumi cəlb olunan 2784  nəfərdən 1403 nəfəri İNİ-dir və onlardan 545 nəfər penitensiar sistemdə ARV-terapiyaya qoşulub. Eyni zamanda Respublika Narkoloji Mərkəzinin qeydiyyatında olan xəstələrin qan nümunələri QİÇS-lə Mübarizə Mərkəzinin və onun regional İİV-diaqnostika laboratoriyalarına mütəmadi göndərilir və müayinə olunur. 2015-ci ilin 9 ayı ərzində 123 şəxsdə İİV-ə yoluxma venadaxili narkotik maddələrin qəbulu nəticəsində baş verib.