Tiflis yaxınlığında yerləşən, əhalisi əsasən azərbaycanlılardan ibarət olan Poniçala (Soğanlıq) qəsəbəsinin sakinləri Tiflis-Rustavi magistralını bağlayıblar.
Axar.az xəbər verir ki, sakinlər artıq 3 gündür ki, qəsəbəyə təbii qazın verilmədiyini bildirirlər. Onların sözlərinə görə, təxminən 1000-1200 ailə qazsız qalıb.
Etirazçılar “Tbilisi Energy” qaz paylayıcı şirkətinin nümayəndələri ilə görüş tələb edirlər.
Uzun müddət yolun bağlı qalması səbəbindən sürücülərlə etirazçılar arasında mübahisə yaşanıb.
Hadisə yerinə polisin gəlişindən sonra hərəkət bərpa olunub.
Etirazçıların tələbinin yerinə yetirilib-yetirilməməsi isə məlum deyil.шаблоны для dle 11.2