Xətai rayonunun bir hissəsində mərkəzi istiliyin verilməsi dayandırılıb.
Bu barədə Axar.az-a Xətai sakinləri bildirib. Onlar ötən gündən istiliyin verilməsinin dayandırıldığını qeyd ediblər.
Məsələ ilə bağlı saytımıza açıqlama verən Azəristiliktəchizat ASC-nin Abonent və Müştəri Xidmətlərinin rəisi Rafiq Əliyev bildirib ki, istiliyin verilməsinin dayandırılmasına səbəb magistral xətdə yaranan problem olub:
“Ötən gün axşam saatlarında istilik elektrik mərkəzindən gələn magistral istilik xəttində qəza yarandığı üçün Xətai rayonunun bir hissəsində istiliyin verilməsi dayandırılmışdı. Artıq əməkdaşlarımız problemi aradan qaldırıb və istiliyin verilməsi bərpa edilib. Hazırda hansısa evə istilik verilməyibsə, problem 1-2 saat ərzində həll olunacaq”.шаблоны для dle 11.2