Ukraynanın Nikolayev vilayətində hələ döyüşlərdə iştirak etməyən və dinc əhalini atəşə tutmayan rusiyalı əsgərlər üçün “yaşıl dəhliz” təşkil edilə bilər.
Bu barədə Nikolayev vilayəti hərbi administrasiyasının rəhbəri Vitali Kim “Telegram” hesabında yazıb.
Onun sözlərinə görə, hazırda Rusiya qoşunları Xerson və Nikolayev vilayətlərinin sərhədindədir.
“Onlar hücum etmək istəmirlər, hesab edirlər ki, onları aldadıblar... Amma geri də qayıda bilmirlər. Çünki deyirlər ki, geri çəkilərkən güllələnəcəklər. Onlar kəndlərdə, kəndlərin yanında qalıblar, nə bu tərəfə, nə o tərəfə getmirlər... Mən indi yuxarılara müraciət edəcəm və ruslar üçün, atəş etməyənlər üçün “yaşıl dəhliz” barədə razılıq alacam... Sabah mülki əhaliyə atəş açmayan rus əsgərləri üçün “qaynar xətt” təşkil edəcəyəm. Bu, artilleriyaçılara və raketçilərə aid deyil. Sizin seçiminiz yoxdur”, - deyə Kim qeyd edib.шаблоны для dle 11.2