“Elə indicə Ukrayna Milli Qvardiyasından məlumat daxil oldu ki, 20-dən çox Rusiya vertolyotu desantlarla birlikdə Nikolayev vilayətindən Cənubi Ukrayna Atom Elektrik Stansiyasının yerləşdiyi Voznesensk şəhərinə doğru uçub. Ola bilsin ki, Atom Elektrik Stansiyasına hücum olacaq. Milli Qvardiya döyüşə hazırdır! İşğalçılara ölüm!”

Mediatv.az xəbər verir ki, bu barədə Ukrayna daxili işlər nazirinin müşaviri Anton Geraşenko öz teleqram hesabında yazıb.

“Rusiya qoşunları Enerqodara yaxınlaşıb və şəhərin nəzarət-buraxılış məntəqəsinə doğru irəliləyirlər. AES işçiləri Rusiya ordusunu buraxmamaq üçün yola çıxıblar”, - deyə Zaporejye AES-in Mətbuat xidmətinin rəhbəri Andrey Tuz bildirib.

Qeyd edək ki, Cənubi Ukrayna Atom Elektrik Stansiyası Avropanın ən böyük AES-idir.