Azərbaycanın Braziliyadakı səfiri BSU-da qonaq olub

Ana səhifə Bizimlə əlaqə

Nazirlik məktəbin tikintisinə icazə almadan bu şirkətə 5,3 milyon pul ayırıb

YAŞILLIĞI KİMLƏR VƏ NƏ SƏBƏBƏ MƏHV EDİR?

Həbs gördü... hələ də qanun tanımır... MƏHKƏMƏSƏ QƏRAR VERİB!

Əcnəbi vətəndaş REKTORun kürəkənini məhkəməyə verdi

Bu klinikalar sertifikasiyadan keçməyən həkimlərlə işləyir? - SİYAHI

Məşhur "Batı-X" şirkətinin ağacları məhv etdiyi aşkarlandı...

Keçmiş millət vəkilinin qardaşı oğlu isdədiyini edir

Şuşa icra başçısının ÖZ ƏLİ... ÖZ BAŞI... - BU DA FAKT!!!

Yeni nazir penitensiar sistemə ƏL GƏZDİRƏCƏKMİ?

Təhsil (6-05-2019, 13:57)
Azərbaycanın Braziliyadakı səfiri BSU-da qonaq olub

Mayın 6-da Bakı Slavyan Universitetində (BSU) Azərbaycanın Braziliyadakı fövqəladə və səlahiyyətli səfiri Elxan Poluxovla görüş keçirilib.
Beynəlxalq münasibətlər və regionşünaslıq fakültəsinin Diplomatiya və xarici siyasət kafedrasının təşkilatçılığı ilə keçirilən tədbiri BSU-nun elmi işlər üzrə prorektoru, professor Rafiq Novruzov açıb. Professor Rafiq Novruzov səfirlə görüşün Ümummilli Lider Heydər Əliyevin anadan olmasının 96-cı ildönümü ərəfəsinə düşməsini təqdirəlayiq hal kimi qiymətləndirib. O, Ulu Öndər Heydər Əliyevin diplomatiya sahəsindəki xidmətlərindən, onun Azərbaycanın dövlət siyasətinin inkişafında tutduğu əvəzsiz mövqedən danışıb. Səfir Elxan Poluxovun fəaliyyəti barədə iştirakçılara məlumat verən Rafiq Novruzov görüşün gələcək diplomatlar üçün əhəmiyyətini vurğulayıb.
Sonra səfir Elxan Poluxov Bakı Slavyan Universitetinin tələbələri qarşısında geniş məruzə ilə çıxış edib. Diplomatiya sahəsində qazandığı təcrübələri gənclərlə bölüşən Elxan Poluxov çıxışında 2012-ci ildə ilk dəfə səfir təyin olunduğu Cənubi Afrika Respublikasındakı fəaliyyətindən söz açıb. Səfir Elxan Poluxov Ulu Öndər Heydər Əliyevin hakimiyyəti dövründə ölkəmizdə diplomatiya sahəsində mütəxəssis yetişdirilməsinə önəm verildiyini, hazırda bu siyasi xəttin inkişafına Prezident İlham Əliyev tərəfindən xüsusi diqqət göstərildiyini vurğulayıb. O bildirib ki, çətin geopolitik regionda yerləşməsinə baxmayaraq Azərbaycan bu gün mühüm beynəlxalq tədbirlərə ev sahibliyi edir. Ölkəmiz yürütdüyü xarici siyasətlə hazırda dünyanın diqqət mərkəzindədir. Səfir ölkəmizin təbliği istiqamətində Azərbaycanın Braziliyadakı səfirliyi tərəfindən görülən işlərdən də söz açıb. Gələcək diplomatlara bir sıra tövsiyələr verən E.Poluxov əsl diplomat olmaq üçün yüksək biliyə, intellekt səviyyəsinə, vətənpərvər ruha yiyələnməyin vacibliyini vurğulayıb. O, çıxışında ənənəvi diplomatiyanın qurulmasında şəxsi diplomatiyanın mühüm əhəmiyyətə malik olduğunu qeyd edib.
Görüşün davamında diplomat iştirakçıları maraqlandıran çoxsaylı sualları cavablandırıb.
BSU-nun Mətbuat Xidməti.