Yasamal rayonu, Şərifzadə küçəsi 283 A ünvanında qanunsuz ağac kəsimi hadisəsi ilə bağlı vətəndaşlar tərəfindən redaksiyamıza məlumat daxil olmuşdur.
Dövlət Ekoloji Təhlükəsizlik Xidməti tərəfindən Tribuna.az-ın sorğusuna cavab olaraq hadisə ilə bağlı verilən məlumatda bildirilib ki, Yasamal rayonu, Şərifzadə küçəsi 283 A ünvanında ağacın kəsilməsi ilə bağlı mediadan daxil olan şikayət 11 saylı Regional Ekologiya və Təbii Sərvətlər İdarəsinin əməkdaşları tərəfindən araşdırılıb.
“İdarənin rəisi Qafar Ağayev bildirib ki, araşdırma zamanı sözügedən ünvanda 1 çinar ağacının kəsildiyi və təbiətə 6600 manat məbləğində ziyan dəydiyi müəyyən edilib. Təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar Azərbaycan Respublikasının Baş Prokurorluğuna göndərilməsi üçün hazırlanır.”
“Yaşıllıqların mühafizəsinə həssas münasibət göstərən ictimaiyyət və media nümayəndələrinə vətəndaşlıq mövqeyinə görə təşəkkür edir, eyni zamanda vətəndaşlardan xahiş edirik ki, yaşıllıqlara zərər vurulması halları ilə rastlaşdıqda Ekologiya və Təbii Sərvətlər Nazirliyinin “168 Çağrı Mərkəzi”nə müraciət etsinlər”.шаблоны для dle 11.2