Göyçayda 100-dən çox ailəyə maddi və ərzaq yardımı edilib.
Axar.az-ın bölgə müxbiri xəbər verir ki, Azərbaycan Respublikasının Prezidenti İlham Əliyevin “Biz birlikdə güclüyük” çağırışına qoşulan Göyçaylı iş adamı, xeyriyyəçi Qadir Yusifov koronavirus təhlükəsinə görə elan edilən karantin günlərində evdə qalan aztəminatlı ailələrə yardım edib.
Azərbaycan Xurma İstehsalçıları və İxracatçıları Assosiasiyasının (AXİİA) təşkilatçılığı, Göyçay rayonunda fəaliyyət göstərən “Siracoğlu” fermer təsərrüfatının maliyyə dəstəyi ilə keçirilən xeyriyyə aksiyası 3 gün davam edib.
AXİİA-nın İdarə Heyətinin sədri, “Siracoğlu”nun rəhbəri Qadir Yusifov aztəminatlı ailələrin üzvləri ilə görüşərək, onlara ərzaq qutuları və maddi yardım verib.
Göyçay şəhərində, Yalman, Kürdəmiş, Cəyirli, Qaraxıdır, Ləkçıplaq, Türkmən və Bığır kəndlərində yaşayan 100-dən çox ailəyə müqəddəs Ramazan ayında və karantin günlərində sovqat aparılıb.шаблоны для dle 11.2