Xocalı şəhərində bir sıra fərdi yaşayış evlərinin təmir və yenidənqurulması həyata keçiriləcək.

Teleqraf xəbər verir ki, görüləcək işlərə 3 milyon 365 min 699 manat xərclənəcək.

Təmiri “Şinkar Holding” Məhdud Məsuliyyətli Cəmiyyəti aparacaq.

Xatırladaq ki, bir müddət əvvəl “Şinkar Holding Xocalının Ballıca kəndində 63 fərdi yaşayış evlərinin cari təmiri işlərinin sifarışini də alıb. Bu müqavilənin dəyəri 3 milyon 312 min 708,4 manatdır.

Şirkət 2024-cü ildə Ballıca kəndində 43 yaşayış evinin əsaslı təmiri işlərini aparıb. Bu sifariş üçün “Şinkar Holding” ilə 1 milyon 495 min 349 manatlıq müqavilə bağlanıb.

Eyni ildə Xankəndi şəhərində “Zəfər parkı”nın salınması üçün söküntü işlərini aparıb. Bu sifarişin dəyəri 2.994.837 manat olub.

“Şinkar Holding” dövlət sifarişlərini birbaşa və bir mənbədən bağlanan müqavilələr əsasında icra edib.

Qeyd edək ki, “Şinkar Holding” 1999-cu ildə yaradılıb. Sərmayəsi 3 milyon manatdır. MMC-nin qanuni təmsilçisi Ələsgər Mehdiyev Fərrux oğludur.