Fövqəladə Hallar Nazirliyinin (FHN) Maddi Texniki-Təchizat İdarəsi “Atlas Alliance Group” şirkəti ilə satınalma müqaviləsi bağlayacaq.
Şirkət su yolu hərəkət vasitələrinin tez-tez sıradan çıxan hissələrinin satın alınması ilə bağlı sözügedən qurumun keçiridyi tenderin qalibi seçilib. Tərəflər arasında bağlanacaq satınalma müqaviləsinin maliyyə dəyəri 208 482,4 manatdır.
“Atlas Alliance Group” MMC 1 aprel 2018-ci ildə “Azər 1982” MMC kimi qeydiyyata alınıb. 8 gün sonra isə şirkətin adı dəyişdirilib.
“Atlas Alliance Group” MMC-nin nizamnamə kapitalı 10 manatdır. Şirkətin qanuni təmsilçisi isə İsmayılov Azər Rəhim oğludur. Açıq mənbələrdə şirkət və qanuni təmsilçisi haqqında heç bir məlumata rast gəlinmir.
Araşdırmalarımız zamanı o da məlum olub ki, “Atlas Alliance Group” MMC-nin hazırda 45 829,01 manat vergi borcu var. “Dövlət satınalmaları haqqında” qanuna görə vergi borcu olan şirkət tenderdə iştirak edə bilməz.