Xətai rayonu, Natiq Əliyev küçəsi 3E ünvanında yaşayan sakin İsmayılov Fəqan Mediatv.az-ın redaksiyasına müraciət edərək paytaxtın mərkəzində fəaliyyət göstərən “Evfemiya”(Karaca brendi) mağazasında üzləşdiyi açıq qanunsuzluq, istehlakçı hüquqlarının kobud şəkildə pozulması və maliyyə fırıldağı əlamətləri barədə ciddi faktlar təqdim edib.Şikayətçinin bildirdiyinə görə, mağazadan məhsul seçdikdən sonra ona açıq şəkildə bildirilib ki, ödəniş POS-terminal vasitəsilə qəbul olunmayacaq. Əvəzində, qanunvericiliyə zidd olaraq, vətəndaş “kartdan-karta” köçürməyə məcbur edilib. Nəticədə 931 manat rəsmi qəbz, kassa çeki, fiskal sənəd olmadan mağazanın naməlum kart hesabına köçürülüb.Bu faktın özü artıq Vergi Məcəlləsinin, nağdsız hesablaşma qaydalarının və istehlakçı hüquqlarının açıq şəkildə tapdalanmasıdır.Daha da qalmaqallısı budur ki, mağaza nümayəndələri ödənişdən sonra qəbzin “sonradan veriləcəyinə” söz versələr də, günlər və hətta həftələr keçməsinə baxmayaraq istehlakçıya heç bir rəsmi sənəd təqdim edilməyib. Bu isə sualları daha da artırır:Bu pul harada uçota alınıb?Vergisi ödənilibmi? Yoxsa “Evfemiya”(Karaca brendi) mağazası kölgə iqtisadiyyatının rahat zonasına çevrilib? Məsələ bununla da bitmir. Alınmış məhsul nasaz çıxıb və istehlakçı qanuni hüququndan istifadə edərək malı geri qaytarıb. Lakin bu zaman mağaza nə pulu geri qaytarıb, nə də məsuliyyət qəbul edib. Əksinə, vəziyyəti daha da ağırlaşdıraraq vətəndaşı məzmunu açıqlanmayan, hüquqi nəticələri şübhəli olan sənədlərə imza atmağa məcbur etmək istəyib.Bu artıq sadəcə qanun pozuntusu deyil, təzyiq və mümkün dələduzluq əlamətidir.İsmayılov Fəqan haqlı olaraq bu tələbi rədd edib. Nəticədə mağaza rəhbərliyi ilə əlaqə faktiki olaraq kəsilib, 931 manat isə bu günə qədər vətəndaşa qaytarılmayıb. Ortaya çox ciddi və təhlükəli suallar çıxır:“Evfemiya” mağazası niyə POS-terminaldan sistemli şəkildə yayınır,Qəbzsiz qəbul edilən yüzlərlə, bəlkə də minlərlə manatlıq ödənişlərin aqibəti nə olur?Dövlət Vergi Xidməti, Antiinhisar və İstehlak Bazarına Nəzarət Dövlət Xidməti bu obyektin fəaliyyətindən doğrudanmı xəbərsizdir, yoxsa bilə-bilə göz yumulur? Bu faktlar onu deməyə əsas verir ki, söhbət təkcə bir istehlakçının haqqının tapdalanmasından yox, sistemli qanunsuzluq mexanizmindən gedir. Qarşı tərəfin mövqeyini dərc etməyə hazırıq Mediatv.az шаблоны для dle 11.2
