Dövlət Sərhəd Xidməti (DSX) “Best Valves” MMC ilə satınalma müqaviləsi imzalayacaq.
Mediatv.az xəbər verir ki, DSX şirkətdən 207 090 manat dəyərində it yemi almağı planlaşdırır.
“Best Valves” MMC dövlət qurumunun bununla bağlı keçirdiyi tenderin qalibi seçilib.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, “Best Valves” MMC 16 yanvar 2013-cü ildə qeydiyyata alınıb. Nizamnamə kapitalı 10 manat olan şirkətin qanuni təmsilçisi İbrahimov Fuad Vəli oğludur.
Açıq mənbələrdə şirkət və qanuni təmsilçisi haqqında heç bir məlumata rast gəlinmir.
“Best Valves” MMC ötən il də DSX-nın keçirdiyi tenderin qalibi olub. Həmin tender qurumun yanğınsöndürmə heyəti üçün xüsusi geyim dəstinin satın alınması ilə bağlı keçirilib. Bu tender üzrə satınalma müqaviləsinin maliyyə dəyəri 424 800 manat olub.  шаблоны для dle 11.2