“El-Seym İnşaat” Qapalı Səhimdar Cəmiyyətinin baş direktoru barəsində cərimə protokolu tərtib edilib.
Valyuta.az-ın məlumatına görə, Yaşar Ələkbərov Kəmənd oğlu barəsində İnzibati Xətalar Məcəlləsinin 192.1-ci maddəsi ilə protokol tərtib olunub.
İnzibati Xətalar Məcəlləsinin 192.1-ci maddəsinə görə Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə fiziki şəxslər 1000-2000 manatadək məbləğdə, vəzifəli şəxslər 3000-5000 manatadək məbləğdə, hüquqi şəxslər 20000 -25000 manatadək məbləğdə cərimə edilir.
Şirkət rəhbəri sözügedən protokolla bağlı Bakı Şəhəri Nəsimi Rayon Məhkəməsinə şikayət verib.İşə hakim Babək Pənahovun sədrliyi ilə baxılacaq.
Qeyd edək ki, “El-Seym İnşaat” QSC 1996-cı ildə yaradılıb, nizamnamə kapitalı 152 000 AZN təşkil edir. Şirkətin qanuni təmsilçisi Yaşar Ələkbərov Kəmənd oğludur. Hüquqi ünvanı Az1007, Bakı Şəhəri Nəsimi Rayonu, Vladislav Plotnikov, ev 14, m. 1  ünvanında yerləşir. шаблоны для dle 11.2