Azərbaycan Respublikasının İqtisadiyyat Nazirliyi yanında Dövlət Vergi "Badam Medical"ı cərimələyib.

Gundeminfo.az xəbər verir ki, Bakı Şəhəri Operativ Vergi Nəzarəti və Uçotun Təşkili baş idarəsi "Badam Medical" Nəhdud Nəsuliyyətli Cəmiyyətində (VÖEN1006179581) ciddi maliyyə pozuntuları aşkarlayıb.

Klinikada həkim səhlənkarlığı səbəbiindən səhhətində ciddi problemlər yaranan vətəndaş Gülşən Əliyeva Vergi Xidmətinə müraciət edib. O, kilinikada 10 min manatdan çox pulunun qanunsuz olaraq alındığını iddia edərək, dövlət qurumuna müraciət edib.

İyul ayının 24-də Vergi Xidmətindən vətəndaşa verilən cavabda qeyd edilir ki, Baş İdarənin müvafiq qərarına əsasən "Badam Medcial" Məhdud Məsuliyyətli Cəmiyyətində vergi nəzarəti yoxlaması həyata keçirilib.

Gundeminfo.az xəbər verir ki, "Badam Medical"da əhali ilə pul hesablaşmalarının aparılması qaydalarının pozulması faktları aşkarlanıb və bu müvafiq olaraq rəsmiləşdirilib.

Bu rəsmi fakt da onu sübut edir ki, "Badam Medical"da vətəndaşlardan alınan pullar rəsmiləşdirilmir və kassaya vurulmur.

Elə redaksiyamıza müraciət edən vətəndaş Gülşən Əliyeva da klinikada əməliyyat üçün verdiyi 10 min manatın qəbzini ala bilmədiyi üçün əziyyət çəkir.

Mövzu ilə bağlı araşdırmalarımız davam edir. qarşı tərəfin də mövqeyini dinləməyə hazırıq.