Sızanaq ləkələri bəzən aylarla, hətta illərlə getmir.

Dərinizi gözəlləşdirmək və qüsurları aradan qaldırmaq üçün Mediatv.az-ın təqdim etdiyi təbii üsulları sınayın.

Alma sirkəsi

Alma sirkəsi dəri üçün lazımlı olan bütün vitaminləri (A, C, E, P, B2) ehtiva edir. Bu səbəbdən, dərinin özünü bərpa etməsi üçün gün ərzində ən azı iki dəfə alma sirkəsi ilə üzü təmizləmək lazımdır. Bunun üçün 1 xörək qaşığı alma sirkəsi ilə 1 xörək qaşığı suyu qarışdırın. Daha sonra pambığın köməkliyilə bu qarışığı üzə çəkin. Yarım saat keçdikdən sonra üzünüzü yuyun və dəri tipinizə uyğun krem çəkin.

Bal

Bal dərini nəmləndirir, ləkələri yox edir. Balın təbii və keyfiyyətli olması mühümdür. Bir ay müddətində balı üz və boyun bölgəsinə çəkib, 20 dəqiqə saxlamaq, daha sonra ilıq su ilə təmizləmək kifayət edəcək.

Qoz yarpağı

Bir ovuc qoz yarpağını 1 stəkan suda qaynadıb, daha sonra 2-3 dəqiqə dəmləyin. Çayı süzün. Pambıq vasitəsilə bu çayı üz və boyun dərisinə çəkin. Yarım saat saxladıqdan sonra dərini soyuq su ilə təmizləyin.

Cəfəri

Bir litr suyu qaynadın. Bir dəstə cəfərini bu suya töküb dəmləyin. Cəfərini əzib üzünüzə çəkin. İyirmi dəqiqə gözlədikdən sonra üzünüzü qaynatdığınız su ilə yuyun.

Kahı

Kahı da dəri üçün faydalıdır. İyirmi beş qram kahını 3 stəkan suda qaynadın. Suyunu süzün. Səhər və axşam olmaqla, gündə iki dəfə bu su ilə üz dərinizi silin.