Azərbaycanın dövlət büdcəsinin proqnozlarına yenidən baxılması çərçivəsində 2016-cı ildə gəlir hissəsi təxminən 1,9 milyard manat artırılmaqla 16,4 milyard manata, xərclər isə 1,95 milyard manat artırılmaqla 18 milyard manata çatdırılacaq.

Mediatv.az xəbər verir ki, bunu maliyyə naziri Samir Şərifov ANS telekanalına müsahibəsində deyib.

Maliyyə nazirin sözlərinə görə, dövlət büdcəsində defisit 1,5 milyar manat proqnozlaşdırılır: "Dövlət büdcəsində defisitin təmin olunmasında əsas mənbə kimi ötən ilin yekunlarına görə qənaət olunmuş 1,4 milyard manat, eləcə də bu il bazara buraxılması nəzərdə tutulan qiymətli kağızlar çıxış edəcək".

Dövlət büdcəsinin proqnozları neftin 1 barelinin qiyməti 25 dollar hesabnlanmaqla hazırlanıb.

Maliyyə nazirin sözlərinə görə, 2016-cı ildə Azərbaycanda inflyasiya 10 -12% səviyyəsində proqnozlaşdırılır.