Teleaparıcı həmkarlarının qüsurlarından danışıb: 

“Mən pozitiv insanam. Heç kəsə deyə bilmərəm ki, sən pis aparıcısan, efirə çıxma. Adama deyərlər ki, get bir şirkət, məktəb aç, tələbələrini efirə hazırla. Həmkarlarımın nitqində qüsurlar var, bu böyük problemdir. Loru sözlərdən çox istifadə edirlər. Bu səmimiyyət deyil. İnanıram ki, bu problemlər zamanla düzələcək”.

Babayeva yeni işlərindən də söhbət açıb:

“Analıq məzuniyyətinə çıxdım, müəyyən fizioloji dəyişikliklər oldu. Ona görə də uzaqlaşdım. İndi isə formaya düşürəm. Xüsusi bir dietim yoxdur.  Düşüncə gücü ilə arıqlayıram.  Artıq geri qayıdıram. Film təkliflərinə açığam. Bəyəndiyim layihə olsa, yer alacam. Sentyabrdan isə yeni verilişim efirə gedəcək. Ötən aylarda bu haqda çox danışdıq, bu mövsüm baş tutmadı. Yəqin ki, nəzərə gəldik”.

Teleaparıcı nəzərə inandığını da dilə gətirib:

“ Nə qədər də desək, Avropalaşırıq, yenə də köklərimizə bağlı millətik. Yaxşı ki, köklərimizə bağlıyıq. Körpəlikdən görmüşəm ki, evdən ən əziz adam gedəndə də nənəm başımıza üzərlik dolayırdı, suya duz atırdı. Buna alışqanıq.  Bəzən mən də evə gələndə deyirəm ki, başıma üzərlik fırlayın, gözə gəlmişəm. Yarızarafat, yarıciddi inanıram”.