Ukraynada Rusiya Federasiyası və onun vətəndaşlarına məxsus olan əmlaklar müsadirə olunacaq.

Mediatv.az Ukrayna mediasına istinadən xəbər verir ki, bu barədə ölkə Prezidenti Vododimir Zelenski qanun imzalayıb.

Sözügedən sənədə əsasən, Rusiya Federasiyası və Rusiya vətəndaşlarının müsadirə olunan əmlaklarına görə hər hansı təzminat ödənilməyəcək.

“Bu, Rusiyanın Ukraynaya hücum etməsi, ölkəmizə və Ukrayna xalqına qarşı tammiqyaslı aqressiv müharibə aparması ilə əlaqədardır”, - deyə sənəddə qeyd olunub.