Digər zəngin rusiyalı biznesmen Oleq Tinkov bəyan edib ki, daha milyarder deyil, sanksiyalar ucbatından xeyli pul itirib. O, jurnalistlərdən ona “oliqarx” deməməyi xahiş edib.
Ötən həftə Tinkov və digər üç rusiyalı maqnat – Mixail Fridman, Pyotr Aven və Aleksey Mordaşov münaqişəni dayandırmağa çağırıblar. Onlar da Qərbin sanksiyaları altındadır.
Martın 10-da Kanadanın Baş naziri Castin Trüdo 10 rusiyalıya sanksiya açıqlayıb, onların Ukraynanın əsaslandırılmayan işğalı ilə əlbir olduqlarını deyib. Siyahıda indiki və keçmiş hökumət rəsmiləri, oliqarxlar, Rusiya rəhbəliyinin tərəfdarları var.
Trüdo deyib ki, sanksiya tətbiq olunan şəxslər Rusiyada həbsdə olan müxalifətçi Aleksey Navalnının tərtib etdiyi siyahıdan seçilib.