Mən Moldova və onun vətəndaşlarına hörmət edəcək, sülhü qorumağa, Avropa Moldovası qurmağa davam edəcəyimiz parlamentə səs verdim.

Axar.az xəbər verir ki, bunu Moldova Prezidenti Maya Sandu deyib.

“Moskvanın stavkası çox böyükdür, ona görə də o, resurslarını Moldova seçkilərinə tökür. Bu, təkcə bizimlə bağlı deyil, Ukraynadakı müharibə ilə bağlıdır. Kreml Ukrayna və AB ölkələrinə qarşı istifadə etmək üçün Kişinyovdakı hakimiyyətə nəzarət etməyə çalışır”, - Sandu bildirib.

Qeyd edək ki, bu gün Moldovada parlament seçkiləri keçirilir.