Publik hüquqi şəxslər əslində vergi ödəyiciləri olacaq. Bu günə qədər dövlət xəstəxanalarında bu işlərin maliyyə sistemi əvvəlcədən təyin edilirdi. İnsanlar ona uyğun maaş alırdı. İndi publik hüquqi şəxsdə onların əlavə gəlirləri də ola bilər.
Bu sözləri Axar.az-a açıqlamasında tibb eksperti, professor Adil Qeybulla deyib.
O qeyd edib ki, icbari tibbi sığorta publik hüquqi şəxs olan müəssisələrin balansına daxil ediləcək:
“Həmin tibbi müəssisələrin təchizatı, həmçinin tibb işçilərinin məvacibi oradan ödəniləcək. TƏBİB ona görə yaranmışdı ki, icbari tibbi sığortanı idarə etsin. Amma təəssüflər olsun ki, pandemiya dövründə TƏBİB və Səhiyyə Nazirliyi arasında ziddiyyət yarandı. İndi bu ziddiyyət yavaş-yavaş aradan qaldırılmalıdır. Düşünürəm ki, Sosial Güvənlik Fondu yaratmaq olar, Səhiyyə Nazirliyi bu məsələyə rəhbərlik edər və bütövlükdə bu iş Türkiyə modeli kimi daha effektli qurulmuş olar”.
Qeyd edək ki, Azərbaycanda bir neçə tibb müəssisəsi birləşdirilir.шаблоны для dle 11.2