2015-ci ilin oktyabrın 1-i vəziyyətinə hüquqi şəxs yaratmadan sahibkarlıq fəaliyyəti ilə məşğul olmaq üçün qeydiyyatdan keçmiş fərdi sahibkarların sayı 564 minə çatıb.

Mediatv.az xəbər verir ki, Dövlət Statistika Komitəsindən fins.az-a bildirilib ki, sahibkarlıqla məşğul olmaq niyyətində olan fərdi sahibkarların 34 faizi Bakıda, 19,7 faizi Aran, 12,8 faizi Gəncə-Qazax, 7,5 faizi isə Lənkəran iqtisadi rayonlarında qeydiyyata alınıb.

Sahibkarlıqla məşğul olan fərdi sahibkarların 80,4 faizini kişilər, 19,6 faizini isə qadınlar təşkil edib.