Bakıda 3 saylı uşaq poliklinikasına COVID-19 pasportu olmadan girişin qadağan olunması ilə əlaqədar elan vurulub.

Bununla bağlı sosial şəbəkələrdə fotolar yayılıb. Poliklinikanın giriş qapısında vurulan elanda içəriyə yalnız COVID-19 pasportu olan şəxslərin daxil ola biləcəyi qeyd olunub. 

“Qafqazinfo” elanla bağlı Səhiyyə Nazirliyi ilə əlaqə saxlayıb. Nazirlikdən məsələ ilə bağlı saytımıza bildirilib ki, artıq sözügedən poliklinikanın rəhbərliyinə bu elanla bağlı xəbərdarlıq edilib. Həmçinin qapıdan asılan bildiriş götürülüb.