Gəncədə və Göygöl rayonunda yerləşən N saylı hərbi hissələrin ərazisi özəlləşdirilib.

Hurriyyet.az-a bu haqda məlumat verən mənbə deyir ki, sözügedən özəlləşmə prosesi illər əvvəl həyata keçirilib. Onun sözlərindən belə aydın olur ki, bir qrup məmur bu məsələdə ortaq hərəkət ediblər. Bunlardan biri kimi, şübhəsiz, Müdafiə nazirinin keçmiş müavini, Silahlı Qüvvələrin sabiq Baş Qərargah rəisi Nəcməddin Sadıkovun adı hallanır.

Bundan əlavə, mərhum Vergilər naziri Fazil Məmmədov, hazırda həbsdə olan general–leytenant Rövşən Əkbərovun da qanunsuz yollarla hərbi hissələrin ərazisini özəlləşdirdiyi vurğulanır.

Həmçinin, mərhum nazirin qudası və sağlığında onun müavini vəzifəsini daşıyan Namiq Əliyevin də həmin ərazidə hektarlarla torpaq sahəsi ələ keçirdiyi haqda informasiyalar var.

Hazırda bütün bunlarla bağlı araşdırmamız davam edir, yaxın günlərdə oxucularımıza daha ətraflı məlumat verməyə çalışacağıq.