Naxçıvan Muxtar Raespublikasının Əmək və Əhalinin Sosial Müdafiəsi Nazirliyi daha bir tenderinin nəticələrini açıqlayıb.

Tribunainfo.az xəbər verir ki, söhbət Şahbuz şəhərində yerləşən Sosial Xidmətlər Agentliyinin rayon sektorunun inzibati binasının əsaslı təmiri işlərinin satın alınmasından gedir.

Məlumatda bildirilir ki, müsabiqənin qalibi “CONSTRUCTION BUSINESS GROUP” MMC olub. Şirkətlə bu işlərin görülməsi üçün 161 min 296 manatlıq müqavilə imzalanıb.

Xatırladaq ki, Naxçıvan MR ƏƏSMN-i son iki gündə sözügedən şirkətə 3 tender verib. Belə ki, qurum Şahbuz və Culfa DSMF-lərinin binalarının təmirini də “CONSTRUCTION BUSINESS GROUP” MMC-yə həvalə edib.