Bəs görəsən bu infeksiyaların yaranma və yayılma səbəbi nədir?  

Mediatv.az xəbər verir ki, Oftalmoloq Elgün Rəşidzadə ATV.az-a bu infeksiyanın yayılma səbəblərindən danışıb:

"Son zamanlar göz infeksiyası çox yayılıb. Tez-tez rast gəldiyim üçün,  özüm araşdırma etdim. Bu infeksiyaların içində göz mühitinə uyğun olmayan bağırsaq çöpləri aşkarladıq. Saprofit infeksiyası bağırsaqda yaşayan infeksiyadır. Bu infeksiyalar bizim üçün zərərsiz olsa da, bədəndə xəstəlik yaradan infeksiyaya çevrilir. Və başladıq araşdıraq ki, bu bağırsaq çöpü necə gözə düşə bilər. Çünki gözdə bu bakteriyalara rast gəlinməməlidir. Bəli, bu virus bəzi hallarda insana xarici gigiyenasına düzgün diqqət etməməsinə görə düşə bilər. Ancaq bunun geniş yayılması sual doğurur. Bizim fikirimizcə burada suyun rolu var. Çünki bakteriyaların belə geniş miqyasda yayılması insanların tez-tez istifadə edə biləcəyi vasitədən ola bilər. Biz də sudan gündəlik tez-tez istifadə edirik. Hətta boğazdan və burun boşluğundan da analiz götürmüşük, orda da bu bağırsaq çöpü ilə rastlaşmışıq. Ona görə də xarici gigiyenaya xüsusi diqqət etmək lazımdır. Çalışmaq lazımdır ki, özümüzü qoruyaq. Nəcə? Ən əvvəl, əli gözə vurmamaq, ictimai yerlərdə olduqda evə gəlib əlləri təmiz yumaq, zökəmə yoluxduqda, bayıra çıxmamaq lazımdır. Bakterial infeksiyaların düşə biləcəyi tozlu, çirkli  yerlərdən uzaq olmaq lazımıdır. Çünki qrip xəsətliyinə yoluxduqda, bədənin immun sistemi zəifləyir, infeksiya özü üçün münbit şərait yaradır. Qrip  ərəfəsində gözdə hər hansı bir ifrazat başlayarsa, qızartı, yapışqanlıq olarsa, o zaman göz həkiminə müraciət edib, müalicə almaq lazımdır. Bunlar keçici olduğu üçün, evdə körpə varsa, onunla təması tam kəsmək lazımdır.