Azəri Günel TV8-də yayımlanan "İşte benim stilim" dəb yarışmasında iştirak edən azərbaycanlı iştirakçı Sima Şərəffətdinovadan danışıb. 

“Mediatv.az”-in məlumatına görə, müğənni “Onlar” verilişinə açıqlamasında proqramda ona bənzədilən Simanın bu bənzərliyə sərt reaksiya göstərməsinə münasibət bildirib:

“Sima uşaqdır, 17 yaşı var. Mən onu tanımırdım, mənə verilişdən sonra dedilər ki, Simanı sənə oxşadıblar. O mənə oxşamaq istəməyə bilər. Amma deyə bilərdi ki, oxşaya bilərəm, mənim həmvətənimdir. Yaşından böyük hərəkətlər edir. Ona bir məsləhətim var. Türklər özündən razı insanları sevmirlər. Hər kəsin yerində cavabını vermək lazımdır, amma təvazökar olmaq vacibdir”.