Türkiyənin tanınmış müğənnisi, ötən həftə ABŞ-da əməliyyat olunan və 6 gün komada qaldığı bildirilən İbrahim Tatlısesdən xəbər var. 

Tatlısesin oyandırıldığı və müalicəsinin palatada davam etdiyi bildirilir. 

Bu barədə məlumatı müğənninin meneceri Eyyub Kanat yayıb. 

Müğənninin şüurunun yerində olduğunu deyən Kanat onun tezliklə Türkiyəyə qayıdacağını vurğulayıb:

“Onun barəsində yazılanlar həqiqəti əks etdirmir. İbrahim bəy oyandı, amma ağrısı çox olduğundan həkimlər onu dərmanla yatdırmağa qərar veriblər. Bir neçə günə qədər bu dərmanlar da dayandırılacaq. Beyin funksiyaları yaxşıdır. Qorxulu heç nə yoxdur. Maksimum 1 ay davam edəcək fizioterapiya prosesi məsləhət görülür. Fizioterapiya bitən kimi məmləkətə qayıdacaq”.(ans press)