“DYP işçisi deyilsən ki, irad tutursan” sözündən sonra qonşusunu bıçaqladı

Ana səhifə Bizimlə əlaqə

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Şahlar Əsgərovdan Ramiz Mehdiyevə ŞOK İTTİHAMLAR - Sirləri açdı!

"ND COMPANY" qanunsuz işci çalışdırmaqda ittiham olunur

Samiq Sadıxovun da həbs olunacağı gözlənilir -İDDİA

"Baboş"la gündəmə gələn şirkət rəhbərinin ölkədən çıxışına "stop" qoyula bilər

“UPSİLON” şirkətinin maliyyə fırıldaqlığı

Leyla və Arzu Əliyevalar COP29-da sərgi ilə tanış oldu

Baba Rzayevin şəxsi maraqları “Lubristar LLC” MMC ilə harada toqquşdu

Kriminal (12-03-2024, 09:36)
“DYP işçisi deyilsən ki, irad tutursan” sözündən sonra qonşusunu bıçaqladı

Bakı Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Namiq Quliyevin (soyadı şərti) cinayət işi üzrə məhkəmə istintaqı başa çatıb.
Pravda.az-ın əldə etdiyi məlumata görə, hakim Azad Məcidovun sədrliyi ilə keçirilən prosesdə hökm oxunub.

Məhkəmənin hökmü o, 4 il müddətinə azadlıqdan məhrum edilib.

İttihama görə, hadisə 29 avqust 2023-cü il tarixdə, saat 23:20 radələrində Bakı şəhəri, Nizami rayonu Keşlə qəsəbəsi, P.Fərzəliyev 27B ünvanının yaxınlığında qeydə alınıb.

Belə ki, Namiq Quliyev zərərçəkmiş Cabbar Dadaşovla (soyadı şərti) mübahisə edib. Mübahisəyə səbəb isə təqsirləndirilən şəxsin həmin ünvanın qarşısında sürətlə avtomobil idarə etməsinə zərərçəkmişin kobudcasına irad bildirməsi olub. Bu zaman Namiq mətbəx bıçağı ilə qəsdən Cabbarın qarın nahiyəsindən bir dəfə vuraraq, ona xəsarət yetirib.

Məhkəmə Namiq Quliyev ona elan olunmuş ittiham üzrə özünü qismən təqsirli bilərək ifadəsində göstərib ki, hadisə günü idarə etdiyi “Opel” markalı avtomaşını sözügedən ünvanın yaxınlığında saxlayaraq evinə gedirmiş. Qonşuluqda kirayədə yaşayan zərərçəkmiş Cabbar ona yaxınlaşaraq kobud formada maşınla burda keçənin o olub-olmadığımı soruşub. O, həmin şəxsin sualını təsdiqləyəndən sonra zərərçəkmiş şəxs ona “bu cür sürətlə maşın sürmək olmaz” söyləyib. Namiq Cabbara maşını sürətlə sürmədiyini söyləyib və sonra “DYP işçisi deyilsən ki, irad tutursan” sözünü işlədib. Həmin vaxt hər ikisi sərxoş vəziyyətdə olub.

Təqsirləndirilən şəxsin sözlərinə görə, mübahisə zamanı zərərçəkmiş şəxslə bir-birlərinə yumruq atıblar, Cabbar ona nalayiq ifadələr işlədib və yerə yıxıb. O, da əsəbiləşib özünü müdafiə məqsədi ilə cibindən bıçağı çıxarıb zərərçəkmiş şəxsin bədəninin sol tərəfindən bir dəfə vurub. Sonra Namiq Polis Bölməsinə gedib könüllü təslim olub. O, zərərçəkmiş şəxslə barışdığını və əməlindən peşman olduğunu bildirib.