Göyçayda keçirilən Nar Festivalına qatılan “XXI Əsrin Qadınları” İctimai Birliyinin sədri Mahirə Əmirhüseynova Azərbaycan Avtomobil Yolları Dövlət Agentliyindən (AAYDA) narazılığını bildirib.
 Mahirə Əmirhüseynova Tribunainfo.az-a açıqlamasında qeyd edib ki, festivaldan qayıdarkən saatlarla tıxacda qalıblar.

Belə ki, Göyçayda keçirilən Nar Festivalından qayıdarkən Mingəçevirə gedən şikayətçi bildirib ki, Qazax–Bakı yolunun Hacıqabul rayonundan keçən hissəsində uzunmüddətli tıxac yaranıb və saatlarla gözləməli olublar.

O, Bayraq Günündə belə bir vəziyyətin yaranmasını qəbuledilməz adlandırıb:

“Məhz Bayraq Günündə bu qədər uzun tıxacın yaranması düşündürücüdür. Ən azından bu tarixədək yolların tənzimlənməsi və hərəkətin rahatlığı təmin oluna bilərdi”.

“Sürücülər saatlarla hərəkət edə bilmədilər. Bayraq Günü kimi əlamətdar bir gündə belə vəziyyətin yaşanması təəssüf doğurur,” – deyə ictimai birliyin sədri bildirib.

O, məsələ ilə bağlı Azərbaycan Avtomobil Yolları Dövlət Agentliyini (AAYDA) hərəkətin tənzimlənməsi istiqamətində daha operativ olmağa çağırıb.

Ətraflı videomaterialı təqdim edirik:
шаблоны для dle 11.2