Vergilər Nazirliyi yanında Bakı Vergilər Departamenti yaradılıb. 

“Mediatv.az” xəbər verir ki, nazirlikdən APA-ya verilən məlumata görə, Vergilər Nazirliyinin ayrı-ayrı struktur vahidlərinin fəaliyyətinin daha səmərəli təşkil olunması, vergi orqanlarının nəzarət funksiyalarının həyata keçirilməsi mexanizminin müasir tələblərə uyğunlaşdırılması məqsədilə vergilər naziri Fazil Məmmədovun əmri ilə Vergilər Nazirliyi yanında Vergi Auditi Departamenti və Bakı şəhəri Vergilər Departamenti ləğv edilib. 

“Həmin departamentlərin ştat vahidlərinin hesabına Vergilər Nazirliyi yanında Bakı Vergilər Departamenti  yaradılıb, Departamentin Əsasnaməsi, tərkib quruluşu, ştat vahidlərinin sayı və bölgüsü təsdiq edilib.