ABŞ Suriya Prezidenti Bəşər Əsədin arvadı Əsma Əsəd və yaxın qohumlarına qarşı sanksiya tətbiq edib.
Bu barədə ABŞ dövlət katibi Mayk Pompeo deyib.
“Dövlət Departamenti Suriya münaqişəsinin siyasi yolla həlli səylərinə maneə törətdiyi üçün Bəşər Əsədin həyat yoldaşı Əsma Əsədə sanksiya tətbiq edib”, - Pompeo bildirib.
Dövlət Departamentindən bildirilib ki, Əsma Əsəd rejimin mənafeyi naminə xeyriyyəçilik və sivil təşkilatlar adı altında ölkədə iqtisadi və siyasi gücün möhkəmləndirilməsinə rəhbərlik edib.
Vaşinqton Əsma Əsədlə yanaşı, suriyalıların əzabları hesabına varlanan daha 4 yaxın qohumunu da sanksiya siyahısına salıb.
Qeyd edək ki, bu gün ABŞ Maliyyə Nazirliyi Suriya Mərkəzi Bankına sanksiya tətbiq edib.шаблоны для dle 11.2