Paşinyana qarşı etirazlar geniş kütlələrdən çox elit kütlələri əhatə edir.
Mediatv.az xəbər verir ki, bunu erməni politoloq Aleksandr İsgəndəryan deyib. O bu müharibənin daxili, sosial problemlərdən çox xarici siyasətlə əlaqəli olduğunu bildirib. İsgəndəryan baş verən etirazların elə də böyük olmadığını deyib:
“Bununla belə bu o demək deyil ki, Paşinyan xalq arasında populyardır. Başa düşülən odur ki, geniş kütlələrdə etiraz var və o, getdikcə artır. Paşinyanı hakimiyyətdə saxlayan alət yorğunluq, apatiya, iki ildən sonra daha bir inqilab həyata keçirməmək istəyi ilə bağlıdır. İnsanlar Qarabağdan geri dönməyə, ordudan mülki həyata geri qayıtmağa başlayırlar, hər yerdə iqtisadi böhran var ki, bu da etirazların böyüməsini qaçılmaz edir. Bu nə dərəcədə sürətli olacaq, onu demək çətindir”.
Onun sözlərinə görə, Ermənistanda hələ də güclü müxalif qüvvə yoxdur. O bu qüvvənin hazırkı aksiyalar zamanı ortaya çıxacağını bildirib.шаблоны для dle 11.2