Konqresə təqdim edilən Qrehem-Blumental qanun layihəsi Rusiyaya qarşı layihələrdən yalnız biridir.
Axar.az xəbər verir ki, bu barədə politoloq Kamran Cəfərov bildirib.
O qeyd edib ki, Konqresin gündəmində Rusiyaya qarşı eyni vaxtda 3 qanun layihəsi var:
“Digər qanun layihələri: Nümayəndələr Palatasına “Sülh haqqında Qanun” (PEACE Act) adlı layihə təqdim edilib. Bu qanun sanksiya altında olan rus subyektləri ilə biznes əlaqələri quran istənilən xarici bankın ABŞ maliyyə sisteminə çıxışını bağlamağı hədəfləyir.
Bundan əlavə, REPO qanun layihəsi də mövcuddur, bu qanun ABŞ prezidentinə Birləşmiş Ştatlarda dondurulmuş Rusiya aktivlərini Ukraynanın xeyrinə müsadirə etmək hüququ verir”.
Qeyd edək ki, Qrehem və Blumentalın təqdim etdikləri layihə Rusiyadan mal alıb, Ukraynaya kömək etməyən ölkələrə ABŞ-a idxal rüsumunun 500%-ə qaldırılmasını nəzərdə tutur.шаблоны для dle 11.2