Ana səhifə Araşdırma Aktual Problem Siyasət Gündəm Sağlamlıq İqtisadiyyat Dünya Sosial Mədəniyyət Təhsil İdman Region Cəmiyyət Hadisə

Sosial / Slayd (23-06-2022, 13:04)
İcra başçısı şəhid ailələrini sakinlərlə üz-üzə qoyur

 Xətai rayon İcra Hakimiyyəti Şəhid ailələrini sakinlərlə üz-üzə qoymaq istəyir. Belə ki, icra hakimiyyəti 4 binanın arasında uşaqların oynadığı meydançanı sökərək Şəhidlər üçün abidə qoyur. Halbuki Xətai rayonu, Məhəmməd Hadi küçəsi 81, 83, 77 və 79 ünvanında yerləşən binaların yanında baxımsız vəziyyətdə qalan yaşıllıqda Şəhidlərin xatirəsinə abidə ucaltmaq və gözəl bir park salmaq olardı. Görünür, şəhərin bahalı yerlərindən biri olan sözügedən ərazidə yaşıllığı məhv edib gələcək perspektivdə satmaq planları buna mane olub…Mediatv.az-ın məlumatına görə, Həzi Aslanov metrosunun yanında, el arasında “Kvadrat” deyilən məhəllənin sakinləri AzToday.az-a bildirib ki, Xətai rayon İcra Hakimiyyəti illərdir başqa məhəllərdə abadlaşdırma işləri görüb, amma adıçəkilən ünvanda indiyə kimi heç bir iş görməyib. Son bir-neçə gündə icra hakimiyyəti abadlaşdırma adı altında 4 binanın həyətində uşaqlarin oynaması üçün nəzərdə tutulan meydançanı söküb Şəhidlər üçün kompleks hazırlamağa başlayıb. Sakinlər deyir ki, dairəvi meydançada azyaşlılar illərdir oynayıblar:

“Həyətdə başqa boş ərazi yoxdur. İndi Şəhidlər üçün kompleks hazırlamaqla bərabər dairəvi meydançanı qazonlaşdırmaq fikrindədirlər. Bundan sonra uşaqlarımız harada oynayacaqlar? Şəhidlərin xatirəsi hamımız üçün əzizdir, millət və dövlət olaraq özümüzü onlara həmişə borclu hiss etməliyik. Ancaq Şəhid adından istifadə edib kiməsə narahatlıq yaratmaq və qonşuları üz-üzə qoymaq mənəviyyatsızlıqdır. Uşaqlara daim nəzarər etmək mümkün deyil. Bundan sonra kompleksin ərazisinə girən və ona xəsarət yetirən uşaqlara görə biz sakinlər illərdir mehriban qonşuluq şəraitində yaşadığımız şəhid ailələri ilə üz-üzə qala bilərik. Çünki doğmalarını itirən həmin ailələr təbii olaraq Şəhidlərin adına olan yerlərə bizdən daha çox həssaslıqla yanaşacaqlar. Ümid edirik ki, Xətai rayon İcra Hakimiyyəti kompleksi qorumaq üçün nəzarətçi də ayıracaq…”

İcra Hakimiyyəti sakinlərin haqlı şikayətləri qarşısında geri çəkilmək əvəzinə onları aldatmağa da çalışır. Guya binaların arxasında baxımsız vəziyyətdə qalan yaşıllığı uşaqlar üçün oyun meydançası edəcəklər. Halbuki həmin yaşıllığı abadlaşdırıb gözəl bir park edib Şəhidlərin adına vermək daha məntiqli olardı. Sakinlər icra hakimiyyətinin bu vədini növbəti oyun hesab edirlər:

“Orada meydança salınmalı olsa, gərək çox illik agacların əksəriyyəti kəsilsin. Amma orada gözəl bir park salıb, Şəhidlərin xatirəsinə də gözəl bir abidə qoymaq olardı. Onda həmin parkda istirahət edən şəxslər hər addımda Şəhidlərin ruhuna dualar oxuyacaqdı…”.
 шаблоны для dle 11.2

Xəbər lenti
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
27 03 2024
27 03 2024