Naxçıvana uçan təyyarə texniki səbəblərə görə Heydər Əliyev Beynəlxalq Aeroportuna geri dönməli olub.

Bu barədə “Azərbaycan Hava Yolları” QSC-nin Mətbuat xidmətindan daxil olan məlumatda bildirilir.

Qeyd olunur ki, “Azərbaycan Hava Yolları” aviaşirkətinin J2253 nömrəli Bakı-Naxçıvan reysini yerinə yetirən hava gəmisinin kapitanı texniki səbəblərdən uçuş hava limanına qayıtmaq qərarına gəlib.

Təyyarə saat 12:40-da Heydər Əliyev Beynəlxalq Aeroportuna uğurla eniş edib.