Bu gün Bakı-Naxçıvan marşrutu üzrə AHY-255 reysini həyata keçirən "Boeing-757" təyyarəsi avialaynerin mühərriklərinin birində yaranan nasazlıq səbəbindən Heydər Əliyev Beynəlxalq Hava Limanına qayıdıb. 

"Azərbaycan Hava Yolları" QSC-nin mətbuat xidmətindən “Qafqazinfo”ya daxil olan məlumata görə, eniş yerli vaxtla saat 19:21-də ştat rejimində başa çatıb.

Qayıdan təyyarənin sərnişinləri yaxın vaxtlarda ehtiyat təyyarə ilə Naxçıvana yola salınacaq.