"Orbita" MTK-nın yeniləmə işləri 8 aydan çoxdur ki bitmir.
Kommersant.az xəbər verir ki, cari ilin 17 yanvarından etibarən sözügedən MTK rəsmi internet saytını vətəndaşların üzünə bağlayıb. Belə ki, 17.01.2025 tarixindən etibarən "Orbita" MTK-nın rəsmi saytında "Biz saytımızı yenilədikdən sonra GERİ QAYIDACAĞIQ!” sözləri yer alıb.
Hazırda 23.08.2025 tarixində isə MTK-nın rəsmi saytına giriş edən vətəndaşlar yenidən eyni yazını görür. Belə ki, 8 ay əvvəl saytın hazır olmasına 277 ay, 23 saat, 44 dəqiqə qaldığını bildirən "Orbita" MTK bu günə olan tarixdə də eyni vaxtı göstərir. MTK saytını ləğv etmək əvəzinə bu cür yalan vədlə müştərilərini gözlətməsi də anlaşılandır. Çünki ötən il iyul ayının 11-də "Orbita" MTK internet saytından zəlzələyə dayanaqsız və zəmanətsiz evlərinin olduğunu bildirmişdi.

Bundan dərhal sonra "Orbita" MTK öz saytını yeniləmə adı altında bağladı və bir daha vətəndaşların üzünə açmadı.

Qeyd edək ki, binalarının zəmanətsiz və zəlzələyə davamlı olmamasını bildirən MTK 2023-cü ilin 5-ci ayında Nizami rayonu Qara Qarayev prospekti Tofiq Abbasov küçəsində təməlini atdığı tikilinin daşıyıcı sütunlarında (kolonlarında) 4 ədəd 12 millimetrlik armaturdan istifadə etdiyi barədə fotolar paylaşılmışdı. Bu görüntülərdə isə hətta 4 ədəd yerləşdirilən armaturun bir-birinə bağlanmaması xüsusi olaraq müzakirə səbəbi olmuşdu. Buna görə də "Orbita" MTK-nın öz eyiblərini örtməsi üçün saytını "təmirə bağlaması" başa düşüləndir.]https://teref.az/uploads/posts/2025-08/1756130157_1.jpg[/img]