ÜMİD Bakı Apellyasiya Məhkəməsinədir...

Ana səhifə Bizimlə əlaqə

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Mirdamət Seyidov Bakı şəhərində kəsilən ağacları yenə “yaşıllaşdırır”

Bakıda maraqlı boşanma: Milyoner cütlüyün toydan bir ay sonrakı DAVASI

Zaur Mikayılovun digər müavini də məmur qardaşı çıxdı — FOTO

70 kiloqram qızılla saxlanılan hərbi attaşenin - Kimliyi bilindi

Nərimanov İH və “Gold Məkan” yenidən hakim qarşısında

Sosial (22-05-2024, 08:41)
ÜMİD Bakı Apellyasiya Məhkəməsinədir...

"Tikinti şirkətlərinin çoxmənzilli binaları qanunsuz idarə etməyə davam etməsi haqda dəfələrlə yazmışam. Belə binalardan biri Ə.Hüseynov, 7 ünvanında yerləşir və 500-dən çox mənzili var. Binanı qanunsuz olaraq “MKS-3” MMC və “MKS-4” MMC idarə edir (adları sizi çaşdırmasın, kosmosla heç bir əlaqələri yoxdur). 39 mənzil mülkiyyətçisi (hamısı da qazi zabitlər!) ümumi yığıncağın qərarı olmadan binanı idarə edən bu “kosmonavt”ların oradan çıxarılması barədə iddia qaldırıb. Analoji iddianı mən öz yaşadığım bina üzrə qaldırıb işi udmuşam və işğalçı tikinti şirkətini binamızdan artıq qovmuşuq..." Dia-az.info xəbər verir ki, bunu öz açıq1lamasında tanınmış vəkil Əkrəm Həsənov qeyd edib.
Çox ciddi problemlə bağlı növbəti hüquqi presedent yaratmağa yaxın olan tanınmış hüquqşünas daha sonra əlavə edib: "Lakin bu işdə tikinti şirkətləri məhkəmədə iddia etdilər ki, guya 2023-cü ilin fevral ayında qiyabi səsvermə yolu ilə ümumi yığıncaq keçiriblər və əksəriyyət onları dəstəkləyib: blokların yarısını “MKS-3”, digər yarısını isə “MKS-4” idarə etməlidir. Əslində, təqdim edilən sənədlər Mənzil Məcəlləsinin tələblərinə uyğun deyildi: məsələn, qərarlarda (bülletenlərdə) sahə mülkiyyətçilərinin mənzillərinin rekvizitləri göstərilməyib. Digər tərəfdən, imzaların saxta olması faktları da var. Həmçinin mənzillərdən fərqli tariflərlə xidmət haqqının yığılması qərara alınıb ki, bu da Mənzil Məcəlləsinə ziddir. Digər qüsurlar da var.
Eyni zamanda vəsatət də verdik ki, vergi orqanına sorğu edilərək bu şirkətlərin hesabatları əldə edilsin ki, görək ümumiyyətlə sakinlərdən yığılan vəsaiti necə idarə edirlər. Çünki Məcəlləyə zidd olaraq şirkətlər sakinlərə hesabat da vermirlər. Lakin hakim Ramin Xəlilov vəsatəti təmin etmədi və işin hərtərəfli və tam araşdırılmasına mane oldu. Qətnamənin digər qüsurları da var: hətta nəticə hissəsi belə düzgün tərtib olunmayıb – iddiaçıların tələbi nədənsə “pul tələbi” adlandırılıb və s. Qətnamə qanunla nəzərdə tutulmuş müddətdən sonra təqdim edilib və s. və i.a. Bunlarla bağlı iddiaçılar Məhkəmə-Hüquq Şurasına da müraciət ediblər.
Lakin ən əcaib məsələ başqadır. Mənzil Məcəlləsinin 141.10-cu maddəsinə əsasən binanın yalnız bir idarəçisi ola bilər. Lakin qətnamədə bu qanunsuzluğa belə haqq qazandırılıb: “yaşayış kompleksində ayrı-ayrı “MKS-3” MMC və “MKS-4” MMC-lər fəaliyyət göstərmir. Bu sonuncuların idarə etməsi, rəhbərləri, işçiləri eyni şəxslərdir.” Yəni riyazi inqilab etmək niyyətində olan hakim deyir ki, iki şəxs bir şəxsdir! Yəni 1+1=1! Böyük ehtimalla cavabdehlər bu modeli vergidən yayınmaq (ƏDV qeydiyyatına düşməmək üçün 200.000 manatlıq limiti aşmamaq üçün vergi üstünlüyü əldə etmək) üçün tətbiq edib. Məhkəmə də məsələnin mahiyyətinə varmadan, bu şübhəli (Mənzil Məcələsi baxımdan qanunsuz) modelə haqq qazandırıb. Məsələ ilə əlaqədar artıq vergi xidmətinə də müraciət edilib, araşdırma gedir.
Ümid edirəm ki, Bakı Apellyasiya Məhkəməsi riyazi əks-inqilab edərək bu biabırçılığa son qoyacaq..."

Dia-az.info qeyd edir ki, sözügedən məsələyə Bakı Apellyasiya Məhkəməsi hakim Fuad Babayevin sədrliyi ilə bu gün baxılacaq. Məhkəmədə Nəsimi rayon məhkəməsinin hakimi Ramin Xəlilovun çıxartdığı əcaib qətnaməyə münasibət bildiriləcək.