Azərbaycanda əksər rəsmi qurumlar öz rəsmi saytlarının yeni məlumatlarla təmin edilməsində maraqlı deyillər. Əlbətdə, bəzi qurumlar var ki, onlarin fəqliyyəti kimi saytları da donmuş vəziyyətdədir.

Bəzi nazirlik və icra hakimiyyətləri də var ki, onlar gün ərzində mətbuata bir neçə məlumat ötürməklə aktivlik nümayiş etdirirlər. Əmək və Əhalinin Sosial Müdafiəsi Nazirliyi məhz bu qurumlardandır.

Amma qurumun rəsmi saytı olan www.mlspp.gov.az-da hələ də bəzi bölmələrdə köhnə məlumatlara rast gəlinir.

Mediatv.az xəbər verir ki, www.mlspp.gov.az- saytının “Əmək və Əhalinin Sosial Müdafiəsi Nazirliyi regionlarda” bölməsindəki məlumatların hamsı köhnədir. Nəzərə alsaq ki, Səlim Müslümovun bu nazirliyə təyinatından sonra qurumun demək olar ki, bütün Sosial Müdafiə Mərkəzlərinin rəhbərləri, TSEK sədrləri dəyişdirildi. Amma saytda hələ də köhnə müdirlərin adı və əlaqə nömrələrinin qalması başadüçülən deyil. Bu isə əsasən mətbuat üçün ciddi problemlər yaradır, problemlərin araşdırılmasını çətinləşdirir.