Abşeron rayonu Xırdalan şəhəri Şıxəli Qurbanov küçəsində yaşayan sakinlər bildirirlər ki, yaşadıqları əraziyə verilən qazın təzyiqi çox aşağıdır.
"Mediatv.az" bildirir ki, onlar bu barədə Yeniavaz.com-a müraciətlərində bildiriblər.
“Bir həftədir ki, Xırdalan şəhəri Şıxəli Qurbanov küçəsində yerləşən mənzillərə qaz ya verilmir, ya da şam işığı kimi verilir. Aidiyyəti qurumlara müraciət etmişik. Heç bir nəticə yoxdur. Bir həftədir vəziyyət budur. Kombi işləmir. Özüm daxil, evdə hamı xəstədir”, - vətəndaşlardan biri 5 dekabrda etdiyi müraciətində deyib.
Şikayətlə bağlı “Azəriqaz” İstehsalat Birliyinə göndərdiyimiz sorğuya 8 gün sonra, 13 dekabrda verilən cavabda bildirilib ki, hazırda sözügedən ünvanlarda problem yoxdur.
Problem mövcud olan vaxtlarda bunun nədən qaynaqlandığı ilə bağlı sualımıza isə cavab verilməyib.шаблоны для dle 11.2