“Milli Məclisin İntizam Komissiyasının sədri dəyişməyib. Bununla bağlı yazılanlar yanlış məlumatlardır”.

Bunu “Report”a açıqlamasında parlamentin mətbuat xidmətinin rəhbəri Akif Təvəkküloğlu deyib.

O bildirib ki, hər hansı komissiyanın sədrinin dəyişdirilməsi səsvermə yolu ilə olur: “Bunun üçün də iclas keçirilməlidir. Belə bir şey olmayıb. Ümumiyyətlə, Siyavuş Novruzov İntizam Komissiyasının üzvü deyil".

Akif Təvəkküloğlu deyib ki, İntizam Komissiyasının sədri Ağacan Abiyev qalır.

Milli Məclisin İctimai birliklər və dini qurumlar komitəsinin sədri Siyavuş Novruzov da məlumatı təkzib edib: "İntizam Komissiyasının sədri seçilməmişəm".